Greim na Vaimpíre

Faoin leabhar

Caitheann Marius, an vaimpír, a shaol ar a sháimhín só fad is atá a sháith rollóga figí aige. In ainneoin iarrachtaí Ailfí, is beag suim a chuireann sé i gcúrsaí an tsaoil mórthimpeall air, go dtí go dtugann sé faoi deara cailín atá pas beag cosúil leis féin.

Éiríonn an vaimpír níos dána agus é ag iarraidh a bhuanna vaimpíreacha a léiriú di, agus tá imní an domhain ar Ailfí go dtarraingeoidh sé aird air féin. Tá an ceart aige a bheith buartha: ní gach duine atá sásta maireachtáil taobh le vaimpír, fiú más feoilséantóir é. Tugtar suntas do Marius ar shlite nach raibh na buachaillí ag súil leo, téann siad sáite i gcogadh, agus cuirtear fíricí loma os comhair Ailfí.

An ceathrú leabhar, agus an leabhar deireanach, sa tsraith faoi Ailfí agus Marius, do léitheoirí óga idir 10 agus 13 bliana d’aois.