Ailfí agus an Vaimpír

Faoin leabhar

Tá vaimpír ina chónaí ag bun an ghairdín ag Ailfí. Marius is ainm dó, agus ní vaimpír coitianta é: is fearr leis rollóga figí agus cáca milis ná fuil agus feoil ar bith.

D’imigh muintir Mharius leo go dtí caisleán sa Trasalváin, agus a chónra leo, fad a bhí sé amuigh ag cuardach torthaí. Anois níl aige ach Ailfí. Idir lampaí ultraivialait agus muincí gairleoige, bíonn an saol dian go leor ar an gcréatúr neamh-mharbh, agus éiríonn sé spadhrúil nuair nach dtiteann rudaí amach mar ba chóir, dar leis.

An chéad leabhar sa tsraith faoi Ailfí agus Marius, do léitheoirí óga idir 10 agus 13 bliana d’aois, agus do dhaoine fásta óga de gach aois. Tá gluais ar an leabharmharc a ghabhann leis.